பார்த்த ஞாபகம்

அப்படி ஒன்றும் அடிக்கடி தேடுவதில்லை

ஆனாலும் சொல்லாமல் தான் நினைவில் வருகிறது

இங்கு தான் எங்கோ.

ஆனால் எங்கு வைத்தேன் எப்பொழுது வைத்தேன்

நீ சிறுசாருக்கச்ச பாத்திருக்கேன்

அது ஆச்சே ரொம்ப நாள் என்றாள் அம்மா

நான் பார்க்கவேயில்லை என்கிறாள் கேத்தி

போனாப் போகுது விடு

அதான் நிறைய இருக்கே என்றான் ஐஸின் மேல் விஸ்கி ஊற்றிய நண்பன்

நீண்ட நேரம் புலம்பிய பின்

சரி எப்படி இருக்கும் சொல்லு தேடிப் பார்க்கலாம்.

எத்தனை முயற்சித்தும் நினைவில் வரவே இல்லை என் முகம்.

===================