இடம்

பூனைக்குட்டிகள் எனக்கு வேண்டும்
எதிர்வீட்டு குழந்தை என் பூனைகளை அள்ளிப் போனது.
வீட்டுக் காவலுக்கு நல்லது
பெரிதாய் வளர்ந்திருந்த நாய் பென்ஷன் தாத்தாவுக்கு.
காரை நான் வைத்துக் கொள்கிறேன்
பேருதவியாய் இடுக்கண் களையும் நட்பு
உன் நிலம் என் நிலம் பிரிப்பதில்லை
வேலி விரிக்கும் தூரத்து மாமன். 
வீடு மட்டும் என் பேரில் எழுது
கரிக்கோடுகள் இல்லாத தாய்ப்பால் கணக்கு.
எத்தனை நாளானாலும் பிஸினஸை என்னிடம் விடு
வேகமாய் சொல்லும் உடன்பிறப்பு.
எல்லாவற்றுக்கும் இடம் இருக்கிறது.
இன்னமும் கிடைக்கவில்லை
என்னை விட்டுச் செல்ல ஒரு இடம்.