Tuesday 15 February 2011

சாருவின் தேகமும் ஷங்கரின் எந்திரனும்


எழுத்து ஒரு சுயவதை என்று சொல்லியிருக்கிறார்கள். நான் எழுதுவதை சொல்லவில்லை. சிலருடைய எழுத்தை படிப்பதை சொல்கிறேன். அதையே நீங்களும் சொல்லலாம். தப்பில்லை.

ஆனால் பாருங்கள் சுயவதை செய்வதில் எனக்கு விருப்பமில்லை. அப்படியும் சில நேரங்களில் இப்படி ஆகிவிடுகிறது. சந்திர மோகன் வருவான் என்று எனக்கு எப்படி தெரியும்? அவன் கையில் எந்திரன் டிவிடி வேறு. சந்திரனும் எந்திரனும் பார்ப்பதற்கு சந்திர மண்டலத்திற்கு நடந்து போய் தொலைக்கலாம்.

வதைத்தலுக்கும் வதைப்படுதலுக்கும் இடையில் தான் சமூக பண்பாட்டு வரலாறு எழுதப்படுகிறது. நான் சொல்லவில்லை அய்யா. தேகத்தில் சாரு சொல்லி இருக்கிறார். தர்மா என்பவன் கதை பன்றி புடுக்கை அறுப்பதில் ஆரம்பிக்கிறது. அவன் டார்ச்சர் செய்பவனாக மாறுகிறான். ஆண் குறியில் கோணி ஊசியால் ஓட்டைப் போடுவது மூக்கில் ஊசி வைத்து தைப்பது மலத்தை கரைத்து குடிக்க வைப்பது என்று தேர்ட் கிரேட் டார்ச்சர்கள். இதெல்லாம் ரொம்ப பழைய ஸ்டைல். தர்மாவுக்கு யாராவது சொல்ல வேண்டும். வாட்டர் போர்டிங் பற்றி. பெரிய டார்ச்சர் வலி அல்ல, உயிர் பயம் தான். ரகுவரன் படம் எத்தனை பேர் பார்த்திருக்கிறீர்கள்?

குப்பி கொடுப்பது, ஜேப்படி செய்வது, புல்லை தின்பது எல்லாம் சாரு முன்பே எழுதியது தான். பக்த துருவ மார்கண்டேயா. செத்து கிடந்த நாயை புணர்ந்த கதைகள் தமிழில் ஏற்கனவே இருப்பதால் பன்றியை புணர்ந்ததாக சொல்லும் இடம் எந்த விதமான கடும் மன அதிர்ச்சியையும் ஏற்படுத்தவில்லை. தமிழின் சிறந்த படம் எந்திரன் என்று ரஜினியும் ஷங்கரும் ஏற்கனவே சொல்லிவிட்டார்கள்.

தமிழ்ப்பட கதாநாயகிகள் ஏனோ ரவுடிகளை மட்டுமே காதலிக்கிறார்கள். முகத்தில் காயம் இருந்தால் அதில் முத்தமிடுகிறார்கள். அவனை துரத்தி துரத்தி காதலிக்கிறார்கள். ஒரு கதாநாயகி மட்டும் இருந்தால் இப்பொழுதெல்லாம் தமிழர்களுக்கு போரடிக்கிறது. மினிமம் இரண்டு தேவை. அதிலும் ஒருத்தி கட்டுபெட்டி பெண்ணாகவும் இன்னொருத்தி அல்ட்ரா மாடர்னாகவும் இருக்க வேண்டும். தெலுங்கில் இது இருபது வருட ட்ரெண்ட்.


பாரிஸில் இருக்கும் முத்தமிடவே கூச்சப்படும் இருபது வயது தமிழ்க்கன்னிப் பெண்ணிலிருந்து ஆண்களை... இல்லை யாரையுமே ஒரு பொருட்டாக மதிக்காத பொஸஸிவ் உணர்வே இல்லாத நாற்பது பேருடன் படுத்த பெண்ணும் கூட தர்மா என்றால் விழுந்து விழுந்து காதலிக்கிறார்கள். நீ இல்லாமல் நான் இல்லை உன் ஃபோட்டோ பார்த்தாலே ஆர்கஸம் வந்து விடுகிறது இப்படியே பக்கம் பக்கமாக கடிதம் எழுதுகிறார்கள். தர்மாவுக்கு உலகமெங்கும் அழகிய ரசிகைகள்.

கிளிமாஞ்சரோ கன்னக்குழி மாஞ்சாரோ என்று ரஜினி ஆடிக் கொண்டிருக்கிறார். ஐஸ்வர்யா சரி என்னவோ பண்றாய்ங்க என்று அந்த பக்கமாக போய்க் கொண்டிருந்தார். அவரும் படத்தில் இருக்கிறார் இல்லையா. ரெண்டு கோடி சம்பளத்திற்கு நாலு அடி கூட நடக்காவிட்டால் அது அநியாயம். எந்திரனை விடுங்கள். ஜெண்டில்மேன் என்று ஒரு ஷங்கர் படம் இருக்கிறது. அதில் ஒரு பாட்டு வரும். உசிலம்பட்டி பெண்குட்டி முத்து பேச்சி நீ ஒரக்கண்ணால் பார்த்தாலே நான் புள்ளத்தாச்சி. ரொம்ப பழைய படம். எத்தனை பேர் பார்த்திருப்பீர்கள் என்று தெரியவில்லை.

ரெண்டு கதாநாயகி படத்தில் எப்பொழுதுமே ஒரு பிரச்சினை உண்டு. ஒரு கதாநாயகன் ரெண்டு மனைவி என்பதை தமிழ்கலாச்சாரம் ஒரு போதும் ஒத்துக் கொள்ளாது. கதாநாயகனோ கலாச்சார காவலன். மூணு டூயட் பாடிய பின் இரண்டாவது கதாநாயகியை என்ன செய்வது? தங்கச்சீ என்று சொன்னால் டி ராஜேந்தர் அதற்கு ஒட்டு மொத்த குத்தகை வைத்திருக்கிறார். வேறு வழியே இல்லை, அவள் சாகத் தான் வேண்டும். பிராப்ளம் சால்வ்ட். கதாநாயகன் ஒரு காதல் காந்தம் என்பதையும் நிரூபித்தாயிற்று. I am a mean lean sex machine. ஒரு கல்லு. ரெண்டு பன்னி. எந்திரன் புரஃபஸரிடம் வந்து எனக்கு சனா வேணும் அவ இல்லாம நான் இல்லை என்று சொல்லிக் கொண்டிருக்கிறான்.

சந்திர மோகனிடம் ஏன் பேசவில்லை என்று கேட்காதீர்கள். அவன் பெரிய டார்ச்சர். வதை. பெரிய உளவியல் காரணம் எல்லாம் ஒரு மண்ணும் இல்லை. மாப்ள அவ என்னை பார்த்தாடா அந்த கோயில் தெரு கலா இல்ல அவ நான் இல்லாட்டி செத்துருவேன்னு சொல்றா. இப்ப என்ன பண்றதுன்னே தெரியலை என்ற ரீதியில் அவன் டார்ச்சர் இருக்கும். அதை விட டார்ச்சர் கவிதை என்ற பெயரில் அவன் எதையாவது சொல்லித் தொலைப்பது. உயிரே உருகுது, என் தலை மயிரே கருகுது என்று வரும் எட்டாம் கிளாஸ் கவிதைகளை எத்தனை முறை தான் படித்து தொலைப்பது? தர்மா எழுதும் கவிதைகளை சொல்லவில்லை. தர்மா உண்மையில் பரவாயில்லை. இருபது எழுதினால் ரெண்டு தேறுகிறது.

தர்மா பீ அள்ளிய காலத்தில் பார்த்த விதம் விதமான மலத்தை அதன் வடிவம் நிறம் என்று வர்ணிக்கிறான். வாசிப்பவனுக்கு அதிர்ச்சி தருகிறானாம். அவன் கதையில் ப்ளாட்பாரத்தில் பத்து ரூபாய்க்கு கிடைக்கும் போர்னோக்ராஃபி புத்தக வார்த்தைகள் நிறைய வருகிறது. ஒரு பெண் நாற்பது பேருடன் படுத்திருக்கிறேன் என்று சொல்கிறாள். உன்னை இப்பவே ****** போலருக்கு என்று மெயில் அனுப்புகிறாள்.

சாரு நிவேதிதா இந்த நாவல் மூலம் காட்டும் உலகம் கடும் மன அதிர்ச்சியை ஏற்படுத்துகிறதாம். எந்திரன் தான் உலகின் மிகச்சிறந்த படம் இப்படி ஒரு படம் எந்த மொழியிலும் எந்த நூற்றாண்டிலும் வந்ததில்லை என்ற மொக்கை விளம்பரம் போல இருக்கிறது. செய்தித் தாளோ டிவியோ குறைந்த பட்சம் தமிழ்ப்படம் பார்த்தவர்களுக்கு கூட இதில் மயிரளவும் அதிர்ச்சி வராது. ஒரு வேளை ஜன்னலை மூடிக் கொண்டு குகையில் வாழ்பவர்களுக்கு அதிர்ச்சி வ்ரலாம். ஆனால் நான் இப்படி ஃபக் பண்ணுவேன் அப்படி ஃபக் பண்ணுவேன் என்ற ரீதியில் தர்மாவின் ஆண்குறி வாசிப்பவனின் முகத்தில் தொடர்ந்து ஆடிக் கொண்டே இருப்பது கடும் எரிச்சலை தான் தருகிறது. தன் கதையை கேட்பவனை டார்ச்சர் செய்ய வேண்டும் என்பது தர்மாவின் நோக்கமானால் இந்த கதை அதை முழுமையாக சாதிக்கிறது. பின்னட்டையில் சொல்வது உண்மை தான். சித்திரவதையின் தொழில் நுட்பம் நுணுக்கமாக மாறி இருக்கிறது. சித்திரவதை செய்வதில் தமிழ் சினிமா நடிகர்களின் நட்சத்திர பேட்டியை சாரு மிஞ்சி இருக்கிறார் என்றே சொல்ல வேண்டும்.

ஃபக்கிங் ஷிட் என்று நான் கத்துவதை கேட்டு சந்திர மோகன் திரும்பி புத்தகத்தின் அட்டையை எழுத்துக் கூட்டி தே....க....ம் என்று படித்து விட்டு தேகம்னா என்ன என்றான். அவனுக்கு தமிழ் வாசிக்க முடியாது.

எனக்கும் தமிழ் வாசிக்க தெரியாமல் போய்த் தொலைந்திருந்தால் என்ன என்று யோசித்து விட்டு கடுப்புடன் சொன்னேன்.

“பொத்திக்கிட்டு போடா மயிறு. ப்ரேதம்”.

எந்திரனாவது பார்த்து தொலைத்திருக்கலாம். 

31 comments:

vasu balaji said...

ஆப்பு என்பதை யாரும் வைப்பதில்லை. நாமதான் அதைத் தேடிப் போய் உட்காருகிறோம் என்பது எவ்வளவு பெரிய உண்மை.:((. காப்பாத்தி உட்டதுக்கு நன்றி.

bandhu said...

மிக நேர்மையான எழுத்து உங்களது! யுத்தம் செய் பார்த்தீர்களா?

அது சரி(18185106603874041862) said...

|| வானம்பாடிகள் said...
ஆப்பு என்பதை யாரும் வைப்பதில்லை. நாமதான் அதைத் தேடிப் போய் உட்காருகிறோம் என்பது எவ்வளவு பெரிய உண்மை.:((. காப்பாத்தி உட்டதுக்கு நன்றி.||

அப்படி வேறையா? ஆப்பு அனுப்பி வச்சாங்க சார் அனுப்பி வச்சாங்க :))) அவங்களுக்கு ஆட்டோல்லாம் அனுப்பறதா இல்லை. ஆடியோ அனுப்ப போறேன்.

அது சரி(18185106603874041862) said...

|| bandhu said...
மிக நேர்மையான எழுத்து உங்களது! யுத்தம் செய் பார்த்தீர்களா?

15 February 2011 21:25||

பந்து,
நன்றி. இல்லைங்க, யுத்தம் செய் இன்னும் பார்க்கலை. நீங்க பார்த்துட்டீங்களா? எப்படி இருக்கு?

கலகலப்ரியா said...

விமர்சனமே இந்த ரேஞ்சுன்னா... எஸ்கேப்பு.. அண்ட் டாங்க்ஸு..

ஆனா எந்திரன கலந்து கட்டி அடிச்சிருக்கிறது செம... வாசிக்க நல்லாருக்கு... புரியாமலேயே.. :P

Thekkikattan|தெகா said...

:))) இதுக்கு மேலே என்னாத்தை சொல்லுறதுன்னு தெரியல!

எம்.கே.குமார் said...

முதன்முறையாக இந்த வலைப்பூவுக்கு வருகிறேன் என நினைக்கிறேன்.

மிகவும் ரசிக்கும்படியான எழுத்து.

வாழ்த்துகள்.

அன்பன்
எம்.கே.குமார்

Katz said...

உங்கள் எழுது நடை மிக அருமை. நிறைய இடங்களில் பெரும் சிரிப்பை வரவழைக்கிறது.

Raju said...

கொண்டாட்டமான வாசிப்புன்னு சொல்லுங்க!
:-)

ஜ்யோவ்ராம் சுந்தர் said...

உங்க ரைட்டிங் ஸ்டைல் எனக்குப் பிடிக்கும். இதுவுமதே :)

நசரேயன் said...

யோவ் எந்திரனை எதுக்கு உள்ள இழுத்தியரு?

ராம்ஜி_யாஹூ said...

each person's perception/taste is different, nice

கபீஷ் said...

உங்களுக்கு இதே பொழப்பா போச்சு.தேவையில்லாத வேலைய செய்யறது அப்புறம் ஒரு பொலம்பல் பதிவு. இனிமேல் என்ன புக் வாசிக்கணும்னாலும் அனுமதி வாங்கிட்டு வாசிங்க.

ராஜ நடராஜன் said...

வாரே வா! இருக்கேளா!

குடுகுடுப்பை said...

நான் ரசிக்கும் ஒரே எழுத்தாளன் அது சரிதான்.:)

வால்பையன் said...

அப்பவே எதிர்பார்த்தேன்!

settaikkaran said...

சம்பந்தா சம்பந்தமில்லாமல் 'எந்திரன்' படத்தை சாருவின் "மகா" இலக்கியத்தோடு ஒப்பிடுவதா? :-(

அது சரி(18185106603874041862) said...

|| கலகலப்ரியா said...
விமர்சனமே இந்த ரேஞ்சுன்னா... எஸ்கேப்பு.. அண்ட் டாங்க்ஸு..

ஆனா எந்திரன கலந்து கட்டி அடிச்சிருக்கிறது செம... வாசிக்க நல்லாருக்கு... புரியாமலேயே.. :P
||

ஹூம். எல்லாரும் எஸ்கேப் ஆகிட்டாங்க, நான் தான் மாட்டிக்கிட்டனோ? :)

அது சரி(18185106603874041862) said...

|| Thekkikattan|தெகா said...
:))) இதுக்கு மேலே என்னாத்தை சொல்லுறதுன்னு தெரியல!

15 February 2011 22:26
||

என்னாத்தா சொல்லி என்னாத்தா ஆகப்போறது தெகா? முடிஞ்சது முடிஞ்சி போச்சி. தூக்கி அடக்கம் பண்ற வழிய பார்க்க வேண்டியது தான்.

அது சரி(18185106603874041862) said...

|| எம்.கே.குமார் said...
முதன்முறையாக இந்த வலைப்பூவுக்கு வருகிறேன் என நினைக்கிறேன்.

மிகவும் ரசிக்கும்படியான எழுத்து.

வாழ்த்துகள்.

அன்பன்
எம்.கே.குமார்||

வருகைக்கும் வாழ்த்துக்கும் நன்றி குமார்.

அடிக்கடி வாங்க, ஆனா நான் எப்பனா தான் எழுதுவேன் :)))

அது சரி(18185106603874041862) said...

|| Katz said...
உங்கள் எழுது நடை மிக அருமை. நிறைய இடங்களில் பெரும் சிரிப்பை வரவழைக்கிறது.

16 February 2011 04:42||

காட்ஸ், நன்றி.

(அடப்பாவிங்களா, இது சிரிப்பு இல்லை சீரியஸ்னு சொன்னா கூட யாரும் நம்ப மாட்டேங்கிறாங்களே)

அது சரி(18185106603874041862) said...

|| ♠ ராஜு ♠ said...
கொண்டாட்டமான வாசிப்புன்னு சொல்லுங்க!
:-)||

முகூர்த்த காலு நட்டு, தெரு ஃபுல்லா கும்மோணம் பந்தல் போட்டு, ஏழு நாளைக்கு ஊரை விட்டு யாரும் வெளிய போப்படாது வெளியாளுக உள்ள வரப்பிடாதுன்னு ஊரு கட்டு போட்டு, வர்றவுக போறவுக எல்லாருக்கும் சுடச்சுட கூழு ஊத்தி பொழுது சாஞ்சா கெரகாட்டம், பூமிதிக்கிறது, புக்கை நடுவுல வச்சி பாலாபிஷேகம் பண்றது (ப்ளாஸ்டிக் கவர்ல போட்டு தான், இல்லாட்டி நனைஞ்சிடாது)...

இப்படி ஏழு நாள் கொண்டாடினோம். ஒரே கொண்டாட்டம் தான் போங்க. இப்ப நினைச்சாலும் மனசு கொண்டாட ஆரம்பிச்சிடுது.

அது சரி(18185106603874041862) said...

|| ஜ்யோவ்ராம் சுந்தர் said...
உங்க ரைட்டிங் ஸ்டைல் எனக்குப் பிடிக்கும். இதுவுமதே :)||

சுந்தர்ஜி, நன்றி.

ஆமா, இந்த நாவலை படிக்கும் போது உங்களுக்கு கட்ட்ட்ட்டூஊஊஊஊம் அதிர்ச்சி ஏற்பட்டிச்சா? :)))

அது சரி(18185106603874041862) said...

|| நசரேயன் said...
யோவ் எந்திரனை எதுக்கு உள்ள இழுத்தியரு?||

ஷூட்டிங் முடிஞ்சிருச்சி, ச்சும்மா தான் இருக்கேன்னு அவரு உள்ள வந்துட்டாரு :)))

அது சரி(18185106603874041862) said...

|| ராம்ஜி_யாஹூ said...
each person's perception/taste is different, nice||

ராம்ஜி, நன்றி. அது என்னவோ உண்மை தான்.

அது சரி(18185106603874041862) said...

|| கபீஷ் said...
உங்களுக்கு இதே பொழப்பா போச்சு.தேவையில்லாத வேலைய செய்யறது அப்புறம் ஒரு பொலம்பல் பதிவு. இனிமேல் என்ன புக் வாசிக்கணும்னாலும் அனுமதி வாங்கிட்டு வாசிங்க.||

ம்ஹூம். அனுமதி எல்லாம் வேணாம். இனிமே நீங்களே வாசிச்சிட்டு அப்புறம் உசுரோட இருந்தா எனக்கு ரெக்கமெண்ட் பண்ணுங்க. டீல்?? :))))

அது சரி(18185106603874041862) said...

|| ராஜ நடராஜன் said...
வாரே வா! இருக்கேளா!||

வாங்கண்ணே. இருக்கேன். எப்பனா எட்டி பார்க்கிறது தான் :)))

அது சரி(18185106603874041862) said...

|| குடுகுடுப்பை said...
நான் ரசிக்கும் ஒரே எழுத்தாளன் அது சரிதான்.:)||

ஏன் இந்த கொலைவெறி? உமக்கு புக்கு பார்சல்ல அனுப்பிடுவேன், ஜாக்கிரதை.

அது சரி(18185106603874041862) said...

|| வால்பையன் said...
அப்பவே எதிர்பார்த்தேன்!||

அப்பவே எதிர்பார்த்தீங்களா? அடப்பாவி, இதை அப்பவே சொல்றதுக்கு என்ன? எல்லாம் முடிஞ்சப்புறம் எனக்கு அப்பவே தெரியும்னு சொல்றீங்களே...இது அநியாயமா இல்ல?

அது சரி(18185106603874041862) said...

|| சேட்டைக்காரன் said...
சம்பந்தா சம்பந்தமில்லாமல் 'எந்திரன்' படத்தை சாருவின் "மகா" இலக்கியத்தோடு ஒப்பிடுவதா? :-(||

மஹா இலக்கியத்தை மெகா ஸ்டார் படத்தோட தான ஒப்பிட முடியும்? :))

(அந்த ஸ்மைலியை பார்த்தா நீங்களும் புக் படிச்சிட்டீங்க போலருக்கே?)

Santhini said...

:) :) :) :) .....ஹையா! நான் தேகம் படிக்கலையே ! As usual, clean bold. Netthiyadi.